पुन्हा एकदा कवि मंगेश पाडगावकर, संगीतकार यशवंत देव आणि गायक अरूण दाते ह्या त्रयीचे हे एक मुलायम गीत....ऐका माझ्या आवाजात.
जेव्हा तिची नि माझी चोरून भेट झाली
झाली फुले कळ्यांची, झाडे भरास आली
दूरातल्या दिव्यांचे मणिहार मांडलेले
पाण्यात चांदण्यांचे आभाळ सांडलेले
कैफात काजव्यांची अन् पालखी निघाली
केसांतल्या जुईचा तिमिरास गंध होता
श्वासातल्या लयीचा आवेग अंध होता
वेड्या समर्पणाची वेडी मिठी मिळाली
नव्हतेच शब्द तेव्हा, मौनात अर्थ सारे
स्पर्शात चंद्र होता, स्पर्शात लाख तारे
ओथंबला फुलांनी अवकाश भोवताली
गीत: मंगेश पाडगावकर
संगीत: यशवंत देव
गायक: अरूण दाते
कोणत्याही टिप्पण्या नाहीत:
टिप्पणी पोस्ट करा