विसरशील खास मला दृष्टिआड होता
वचनें ही गोड गोड देशि जरी आता
दृष्टिआड झाल्यावर सृष्टिही निराळी
व्यवसायही विविध, विविध विषय भोवताली
गुंतता तयात कुठे, वचन आठवीता
स्वैर तू विहंग, अंबरात विहरणारा
वशही वशीकरण तुला सहज जादुगारा
लाभशील माझा मज केवि जसा होता
अंतरीची आग तुला जाणवू कशाने
बोलवे न वेदनाच वचन दु:ख नेणे
याकरता दृष्टिआड होऊ नको नाथा
गीतकार: ज. के. उपाध्ये
संगीतकार: यशवंत देव
गायिका: आशा भोसले
कोणत्याही टिप्पण्या नाहीत:
टिप्पणी पोस्ट करा